Bütün brendlər

Dahi fransız dizayneri - Yves Saint Laurent

Dahi fransız dizayneri - Yves Saint Laurent
7 dekabr 2017 6130

Yves Saint laurent - moda dünyasının fenomen adlarından biri, dahi fransız dizayneri, dünyanın ən məşhur markalarından biri olan YSL-in yaradıcısıdır. 1936-cı ildə Əlcəzairdə dünyaya gələn Yves Saint Laurent artıq 18 yaşında moda dünyasına ayaq basmışdır. Belə ki, o, Christian Diorun diqqətini çəkməyi bacarmış və onun yanında işləməyə başlamışdır. Yves Saint Laurent artıq 21 yaşında Diourun qəfil ölümündən sonra dünya dəb evi Christian Diourun baş dizayneri olur.


1962-ci ildə o, ortağı Pierre Bierge ilə birlikdə öz adını daşıyan Yves Saint Laurent və ya YSL moda evini yaradır. YSL’nin bir dünya markası olmasında Pierrenin çox əməyi olmuşdur. 1964-cü ildə YSL brendi Y Yves Saint Laurent adlı ilk parfümünü satışa buraxdı. Yves Saint Laurent dünyanın ən məşhur qadınlarını geydirmişdir. 1990-cı illərin sonlarında moda evinin gəlirləri aşağı düşür və 2002-ci ildə o, bütün moda salonlarını bağlayır. Brendin bir çox parfümləri hal-hazırda həm kişilər, həm də qadınlar tərəfindən olduqca sevilir, dünya ətir bazarında ən önəmli yerlərdən birini tutur.

Yves Saint laurent qadınlara ilk dəfə smokinq və şəffaf bluzlar geyindirən, trapesiya formasında qadın libasını və safari tərzi geyimini yaradan dəb anarxisti idi. O demişdi: “bu həyatda mən yalnızca ona heyfslənirəm ki, cinsi mən yaratmamışam.” Bütün həyatı boyu depressiya, intihara meyillik və narkotiklərə bağlılıqla mübarizə aparan Yves Saint Laurent həyanının son yarım ilini ağır xəstəlik içərisində keçirmişdir. Dahi dizayner 2008-ci ildə Parisdəki evində beyin xərçəngindən dünyasını dəyişmişdir.
Qeyd edək ki, dizaynerin həyatından bəhs edən "Yves Saint Laurent" adlı avtobioqrafik film də çəkilmişdir.

Dİgər xəbərlər Bütün xəbərlər
Live chat
0558597777 WhatsApp