Kilian brendi

1 November 2017 3424

By Kilian brendi Fransız konyak imperiyasının varisi Kilian Hennessy tərəfindən 2007-ci ildə yaradılmış, niş parfümlər istehsal edən yeni ətir brendidir. Kilian Hennessy uzun müddət L`oreal şirkətində icraçı direktor vəzifəsində işləmiş, dünyanın aparıcı moda evlərindən biri olan Alexander McQueen ilə əməkdaşlıq etmişdir. Lakin bu ona kifayət eləmirdi, o öz şəxsi brendini yaratmaq istəyirdi. Beləcə, O, 2007-ci ildə öz arzularını reallaşdırır və eksklüziv Kilian brendini yaradır. Brendi yaradarkən onun əsas məqsədi parfümeriyanın 19-cu əsrin sonları 20-ci əsrin əvvəllərindəki şöhrətinə geri qaytarmaq idi. Kilian markası sanki onun xarakterini əks etdirir və zərifliklə lüks arasında mükəmməl ahəng yaradır.

Kilian Hennessy parfümeriya dünyasında öz yerini tutmaqla yanaşı XXI əsrin inkişaf etmiş ətir auditoriyasını öz yenilikləri ilə təəccübləndirməyi bacarıb. Hansı ki, bir çox parfüm brendləri üçün bu aktual problemlərdəndir. Qısa müddətdə olduqca sevilən Kilian brendinin ətirləri originallığı, fərqli tərzi ilə niş parfümlər arasında özünəməxsus yer tutur. Brendin hər bir ətri lüks komponentlərin zəriflik ilə mükəmməl ahəngidir. Sadə məxməri qablaşdırma isə Kilian brendinin unikal cazibəsini sanki simvollaşdırır. Kilian Paco Rabanne, Kristian Dior, Giorgio Armani və Alexander McQueen kimi bir çox dünya brendləri üçün unikal ətirlər yaradan parfümerlərlə işləmişdir. A Taste of Heaven, Beyond Love, Cruel Intentions, Straight to Heaven brendin ilk ətirlərindən hesab olunur. Brendin ətirlərinin adları da özünəməxsusluğu ilə seçilir. Kilian brendinin ətirlərini dünyada, eləcə də ölkəmizdə sevənlər çoxdur.

İndi isə sizə Kilian brendinin ən çox sevilən ətirləri haqqında məlumat vermək istərdik.

Kilian Straight to Heaven White Cristal brendin ən çox sevilən kişi ətirlərindən biridir. 2007-ci ildə istehsal olunmuş bu ətir müşk, paçuli, ənbər, sidr notları ilə tünd və olduqca qalıcı qoxuya malikdir. Əziz bəylər, xüsusilə soyuq havada bu ətri sevə-sevə istifadə edə bilərsiniz.

Kilian Straight to Heaven White Cristal

Kilian Good Girl Gone Bad - 2012-ci ildə satışa çıxarılan bu ətir müxtəlif çiçək notlarının əsrarəngiz qoxulaırını özündə əks etdirir. Jasmin, osmantus, qızılgül, nərgiz qoxuları ilə elə ilk andan sizi ovsunlayacaq və sevimli parfümünüzə çevriləcək.

Kilian Good Girl Gone Bad

Kilian Vodka on the Rocks Unisex - brendin 2014-cü ildə Rusiya üçün özəl olaraq istehsal etdiyi Unisex ətirdir. Üst notlarında Hil, Keşniş, Ürək notlarında İnciçiçəyi, Rəvənd, Qızılgül dayanan bu ətrin baza notlarını Ambroksan, Palıd mamırı, Səndəl qoxuları tamamlayır.

Kilian Vodka on the Rocks Unisex

Kilian Forbidden Games - brendin ən çox sevilən qadın ətirlərindən biridir. Ətrin adı dilimizə tərcümədə "qadağan olunmuş oyunlar" mənasını verir. 2012-ci ildə istehsal olunan bu ətrin tərkibində alma, darçın, gavalı, şaftalı, jasmin, vanil, bal və digər fərqli və maraqlı notlar var ki, bu da ətrə özünəməxsus qoxu verir. Həm qoxusunun gözəlliyi, həm də möhtəşəm şleyfi ilə Forbidden Games ətri nəinki Kilian brendinin, eyni zamanda niş parfümeriyanın ən çox seilən qadın ətirlərindəndir. Əziz xanımlar, soyuq havalarda rahatlıqla bu ətri istifadə edə bilərsiniz.

Kilian Forbidden Games

Kilian Black Phantom Unisex - brendin ən yeni ətirlərindən hesab olunur, 2017-ci ildə satışa buraxılıb. Tərkibində karamel, qəhvə, badam, rom, tünd şokolad qoxuları vardır. Həm kişilər, həm də qadınlar tərəfindən rahatlıqla istifadə oluna bilər.