All brands

Darçın qoxulu ətirlər

Darçın qoxulu ətirlər
23 November 2017 2976

Darçın dünya səviyyəsində bilinən ən köhnə ədviyyatlardan biridir. Ədviyyatın əldə edildiyi ağacın ana vətəni Şri Lankadır. Keçmişdə darçın çox bahalı idi. Şərq ölkələrindən Avropaya gətirilən bu ədviyyatın 1 kiloqramına hətta 1 kiloqramm qızıl verilirdi. Darçın Hindistanda, Misirdə və bəzi digər isti ölkələrdə bitən "sinnamon" ağacın qabığıdır. Ağacın qabığından əldə edilən bu ədviyyat sağlamlıq baxımından da çox əhəmiyyətlidir. Darçının faydalı xüsusiyyətləri onu əsl təbbi müalicəvi vasitə kimi qəbul etməyə imkan verir, belə ki, onu bəzən "təbii antibiotik" də adlandırırlar.

Darçın parfümeriyada da olduqca geniş istifadə olunan ədviyyatlardandır. Adətən ətirlərə zərif, həssas, isti notlar vermək üçün darçından istifadə olunur. Darçından tez-tez oriental qoxulu parfümlərdə istifadə olunur. Darçının isti, zərif qoxusu təkcə insana müsbət əhval-ruhiyyə vermir, eyni zamanda depresiyaya da kömək edir. Belə ki, bu sehrli qoxu sizdə özünüzə inam yaradacaq, uğursuzluqların aradan qaldırılması üçün həyatınızı yenidən gözdən keçirməyə kömək edəcək.

Darçının pozitiv qoxusu insana enerji və cəsarət verir. Qış aylarında daha çox istifadə olunan darçından yeməklərdə və şirniyatlarda dad və qoxu verməsi üçün istifadə edilir. Odur ki, tərkibində darçın notları olan ətirləri qoxuladığınız ilk anda sizin burnunuza yeni bişmiş şirniyyat qoxusu kimi gələcək. Təbii ki, bu qoxu üzünüzdə gülümsəməyə səbəb olacaq və sizdə xoş təəssüratlar yaradacaq. Parfümeriyada istifadə olunan darçının efir yağı ağacın qabığından və yarpaqlarından alınır. Dünyanın bir sıra məşhur parfümerləri darçından ətirlərin hazırlanmasında istifadə edirlər. Bəs siz darçın qoxulu ətirləri sevirsinizmi? 

Darçın notları ilə zəngin bir neçə parfümü sizin üçün qeyd edirik: Paco Rabanne One Million PriveEsteban Black Tonka UnisexViktor & Rolf SpicebombChristian Dior PoisonCreed Vetiver Geranium, Tom Ford Sahara Noir.

Other blog news All blog articles
Live chat
0558597777 WhatsApp